3. fundur stjórnar S.Í.
fimmtud. 12.6.03. kl. 18.00
Mætt: Ásdís, Stefán, Bragi,
Þorfinnur, Páll, Ríkharður.
Bréf og tilkynningar.
Tilkynning um Norðurlandamót öldunga
11.- 19. 10. Íslandsmótið hefur
ekki enn verið haldið en sigurvegari í
því móti hefur á rétt
á þátttöku. S.Í. hefur
greitt ferðakostnað á Norðurlandamótið
hin síðari ár. Beðið með
að ákveða með þátttöku
þar til Íslandsmótið hefur
farið fram. Þátttaka í Íslandsmóti
öldunga hefur verið slök hin síðari
ár en skorað er á TG að reyna
enn eina ferðina að lyfta mótinu upp.
Bréf frá Akureyrarbæ þar
sem styrk til S.Í. v. Norðurlandamóts
er hafnað.
FIDE Grand Prix.
Ekki hefur enn borist formleg staðfesting frá
FIDE við kröfum Íslendinga. Kostnaðaráætlun
mótsins hljóðar uppá 3 millj.
tap og vegur þar þyngst lækkun á
tekjum v. gengissigs dollara. Ekki er unnt að
taka ákvörðun um hvort af mótinu
verður fyrr en búið er að fá
staðfestingu frá FIDE og styrktaraðilum.
Forseti vinnur áfram í málinu
með framkvæmdastjóra. Mjög brýnt
er að nefndin komi saman hið allra fyrsta.
Umboð nefndarinnar endurnýjað og ákveðið
að Stefán taki sæti í nefndinni
og er hún þá skipuð auk Stefáns,
Helgi Ól., Hrannar og Áskell Örn.
Íslandsmót Landsliðsflokkur – kvennaflokkur.
Rætt um framkvæmd kvennaflokksins. Rætt
um staðsetningu, en verið er að kanna
sveitarfélög á höfuðborgarsvæðinu.
Engin ákvörðun tekin en forseti og
framkvæmdastjóri vinna áfram í
að finna mótsstað.
Evrópumót landsliða.
Bragi ræddi hugmyndir um val á keppendum.
Bragi leggur til að 4 efstu skákmenn í
landsliðsflokki myndu vinna sér sæti
í landsliðið. 2 skákmenn yrðu
síðan valdir af stjórn S.Í.
Svipuð framkvæmd myndi gilda um kvennalandsliðið.
Málinu frestað til næsta fundar.
Minningarmót um Guðmund Arnlaugsson.
Stefnt að því að halda mótið
í byrjun júlí. Helgi Ól.
sér um val keppenda en að öðru
leyti er málinu frestað þar til síðar.
Fyrir fundinum liggja 4 styrkbeiðnir. Ein umsókn
fellur ekki að reglum um styrkveitingar og er
henni því vísað frá.
Dagur Arngrímsson sækir um 30.000.-
Stefán Kristjánsson sækir um
50.000.-
Bragi Þorfinnsson sækir um 60.000.- á
tvö mót.
Svanberg Már Pálsson sækir um
30.000.-
Samþykkt að styrkja Braga um 50.000.- og
Dag og Stefán um 30.000.- hvorn og Svanberg
um 25.000.-
Önnur mál.
Forseti ræddi um agamál í ferðum
á skákmót á erlenda grundu.
Málinu frestað til næsta fundar,
en endurskoða mætti reglugerðina um
keppnisferðir á vegum S.Í.
Fundargerð lesin upp og samþykkt.
Fundi slitið kl. 19.45.
Ríkharður Sveinsson
|
