Mætt: Ásdís, Stefán, Helgi, Bragi, Daði Örn, Ríkharður, Lilja, Haraldur Baldursson.

1. Greinargerð til dómstólsins.
Greinargerðin, sem samþykkt var á síðasta fundi var ekki lögð fyrir fundinn er forseti óskaði eftir fresti við dómstólinn. Samþykkt að Kristján Stefánsson mæti fyrir hönd stjórnarinnar og kynnir afstöðu S.Í.

2. Bréf og tilkynningar.
Lagt fram bréf Þorsteins Þorsteinssonar þar sem hann gerir grein fyrir atkvæði sínu í úrskurði mótsstjórnar Í.S.

Lagt fram bréf þar sem óskað er eftir tilboðum í að halda Norðurlandamót 2005.

Auglýsing um Evrópukeppni öldungasveita. Málið kynnt fyrir þeim sem gætu myndað sveit.

Auglýsing um Ólympíumótið, sem haldið verður í október 2004 á Mallorka.

3. Reykjavíkurskákmótið 2004.
Helgi kynnti stöðuna á Reykjavíkurskákmótinu, sérstaklega dagsetningar og tengsl mótsins við alþjóðlegt atskákmót sem haldið yrði að loknu Reykjavíkurskákmóti. Stefnt er að því að halda Reykjavíkurskákmótið 7.- 16. mars og alþjóðlegt atskákmót 17. - 21. mars. Samþykkt mótsnefnd: Stefán Baldursson, Bragi Kristjánsson, Helgi Ólafsson, Daði Örn Jónsson, Lilja, Guðmundur G. Þórarinsson, Einar S. Einarsson. Frá T.R. kemur Torfi Leósson, en ekki ljóst hvort önnur félög tilnefni menn í nefndina. Nefndarmenn eru tilnefndir með fyrirvara um samþykki þeirra sem ekki voru á fundinum.

4. HM barna og unglinga.
Rætt um fararstjóramál á HM barna og unglinga, kostnaðarhliðina og fl. Málinu frestað.

5. Íslandsmótið í atskák.
Undanrásir verða haldnar föstudag 28. nóv. og 30. nóv. Verðlaun verða óbreytt. Rætt um að breyta fyrirkomulaginu. Ríkharður sér um skákstjórn.

6. Jólafundur. Rætt um að halda stefnumótunarfund fyrir jólafundinn. Stefnt að 13. desember.

Fundargerð lesin upp og samþykkt.
Fundi slitið kl. 19.56.
Ríkharður Sveinsson