2. fundur stjórnar S.Í.
fimmtud. 22.5.´03 kl. 18.00.
Mætt: Stefán, Ásdís, Helgi,
Þorfinnur, Páll, Ríkharður,
Haraldur Baldursson.
1. Bréf og tilkynningar.
Heimsmeistaramót barna og unglinga í
Grikklandi 23. okt. - 2. nóv. Erindinu var
vísað til æskulýðsnefndar.
Norðurlandamót kvenna - einstaklingskeppni
verður haldið í Stokkhólmi 2.-
10. ágúst. Ákveðið að
bjóða tveimur af sterkustu skákkonum
landsins að taka þátt.
2. Landsmót í skólaskák.
Mótið fór fram í Vestmannaeyjum
15.- 18. maí. Dagur Arngrímsson sigraði
Guðmund Kjartansson í aukakeppni um efsta
sætið í eldri flokki. Þeir
fengu 10 1/2 vinning af 11. Hjörtur Jóhannsson
fékk 8 1/2 í 3. sæti.
Svanberg Már Pálsson sigraði í
yngri flokki með 10 vinn. af 11. Hjörvar
Steinn Grétarsson og Helgi Brynjarsson urðu
í 2. - 3. sæti með 8 1/2 vinn.
SÍ hélt landsmótið í
samvinnu við Skákskólann og heimamenn
og komu ekki nein ágreiningsmál upp
og framkvæmdin tókst vel. Heimamönnum
færðar þakkir.
3. Heimsbikarmót.
Helgi og Hrannar fóru á fund hjá
Atlantsáli. Dagsetning mótsins, ef af
verður, 17. - 24. sept. Mótið getur
teflst í Reykjavík eða á
Akureyri og er fyrirkomulagið hugsað þannig
að 32 keppendur (6 íslenskir) tefla m.
útsláttarfyrirkomulagi. Þeir sem
falla út í fyrstu umferð taka þátt
í öðru móti sem fer fram samhliða
Heimsbikarmótinu. Mögulegt er að skipta
mótunum á milli sveitarfélaga.
Ákveðið að taka saman upplýsingar
um fjárhagsáætlun fyrir næsta
fund en þá verður tekin ákvörðun
um hvort af mótinu verður. Helgi og Hrannar
vinna áfram í málinu með
forseta og framkvæmdastjóra.
4. Vefmál.
Nefndin sem skipuð var á síðasta
fundi telur að hægt sé að setja
upp nýjan vef með litlum eða engum
tilkostnaði og því er ekki nauðsynlegt
að kaupa sér kerfi. Nefndin vinnur áfram
í málinu.
5. Alþjóðlegt mót í
Frakklandi.
TG fékk boð á mót í
Saint Lo í Frakklandi sem síðan
var vísað til S.Í. Samþykkt
að vísa erindinu til TG sem hefur fullan
ákvörðunarrétt um þátttökuna.
6. Önnur mál.
Forseti ræddi um nýjar hugmyndir sem
gætu vakið athygli á skákinni
sem getur hugsanlega auðveldað sambandinu
fjáröflun. Ýmsar hugmyndir reifaðar.
Fundargerð lesin upp og samþykkt.
Fundi slitið 19.27
Ríkharður Sveinsson
|
