4. fundur stjórnar S.Í.,
26. júní '03 kl. 18.07.
Mætt: Ásdís, Lilja, Stefán,
Bragi, Þorfinnur, Ríkharður, Haraldur
Blöndal, Páll, Haraldur Baldursson, Daði
Örn.
1. Bréf og tilkynningar.
Arnar Gunnarsson og Davíð Kjartansson
hafa verið útnefndir FIDE meistarar.
2. FIDE Grand Prix.
Forseti kynnti stöðu á Grand Prix
mótinu. Nefndin hefur komið saman og bréfaskriftir
hafa staðið yfir við FIDE. Ljóst
þykir að ekki verði af mótinu
í haust og líklegri tímasetning
væri febrúar 2004. FIDE hefur ekki enn
svarað kröfum Íslendinga og þá
er enn eftir að taka endanlega ákvörðun
um mótshaldið.
3. Styrkbeiðnir.
Arnar Gunnarsson, Jón Viktor Gunnarsson, Davíð
Kjartansson, Magnús Örn Úlfarsson
og Guðmundur Kjartansson sækja um styrki
að fjárhæð 30-60 þús.
Nokkur umræða fór fram um hvernig
ætti að forgangsraða styrkjum og einnig
um fresti til að sækja um.
Samþykkt að veita neðangreindum aðilum
styrk sem hér segir:
Arnar, 60 þús. á 3 mót,
Jón Viktor 50 þús. á 2
mót, Magnús Örn, Davíð
og Guðmundur 30 þús. á 1 mót
hver.
4. Skákþing Íslands - Landsliðsflokkur
karla og kvenna.
Góðar líkur eru á að
mótið fari fram í Hafnarfirði.
Reiknað er með því að mótið
hefjist 24. ágúst og endi 4. sept. Verðlaun
í karlaflokki verða óbreytt. Nokkur
umræða fór fram um keppnisfyrirkomulagið
og hve mörg sæti eigi að veita til
setu í landsliði.
Samþykkt að keppendur verði 12 og tefli
einfalda umferð. 2 efstu í landsliðsflokki
vinna sér inn rétt í landsliði
Íslands á EM 2003.
Ákveðið að kvennaflokkurinn fari
fram samhliða landsliðsflokki. Teflt verður
í meistaraflokki og opnum flokki ef aðstæður
leyfa.
5. Norðurlandamót kvenna.
Guðfríður Lilja verður eini fulltrúi
Íslands á NM því aðrar
skákkonur eiga ekki
heimangengt.
6. Fundur í Norræna skáksambandinu.
Boðað er til Norðurlandamóts 6.
september en 2 keppendur frá Íslandi
eiga rétt til þátttöku. Ákveðið
að kanna áhuga skákmanna að
fara á Norðurlandamótið.
Jafnframt er boðað til fundar í Norræna
skáksambandinu. Ákveðið að
skoða hvort eigi að senda fulltrúa
á fundinn. Ákveðið að tilnefna
Peter Heine Nielsen sem skákmann Norðurlanda.
7. Íslandsmót skákfélaga.
Rætt um keppnisstað. Komið hefur til
tals að tefla í B&L eða MH. Minni
kostnaður fylgir því að tefla
í MH. Rætt um að fá kostnað
greiddan verði fyrirtæki á almennum
markaði fyrir valinu.
8. Helgarmót Landsvirkjunar.
Áhugi er fyrir hendi að tefla í
haust fyrir austan. Tekið mjög jákvætt
í málið.
9. Önnur mál.
Forseti ræddi lauslega um stefnumörkun
sambandsins og nefndi hugmynd um að stjórnin
héldi umræðudag. Hugmynd um 19.-
20. september og kanna stjórnarmenn þá
dagsetningu.
Rætt um þátttöku barna á
evrópu og heimsmeistaramótum, stigalágmörk
o.fl.
Umræða um agamál frá síðasta
fundi frestað til stefnumótunarinnar.
Fleira ekki rætt
Fundargerð lesin upp og samþykkt.
Fundi slitið kl. 19.55
Ríkharður Sveinsson
|
