5. fundur stjórnar S.Í.,
mánudag 28.7.03 kl. 18.00
Mætt: Ásdís, Stefán, Ríkharður,
Bragi, Haraldur Blöndal, Helgi, Lilja, Haraldur
Baldursson.
1. Fundargerð síðasta fundar. Í
síðustu fundargerð láðist
að geta um ályktun um 4. lið um Landsliðsflokk
2004. Eftirfarandi setningu er bætt við
4. lið.:
Stefnt að því að landsliðsflokkur
2004 fari fram um páska og verði þá
keppt eftir útsláttarfyrirkomulagi.
2. Bréf og tilkynningar. Bréf v. Landsmóts
UMFÍ 2004.
3. Rætt um dagsetningu á Íslandsmóti
skákfélaga, en Evrópumót
taflfélaga rekst á við Íslandsmótið.
Ákveðið að keppnin hefjist 24.-
26. október. Kannað áfram með
hentugt húsnæði.
4. Norðurlandamót einstaklinga. Kannað
var með áhuga hjá sterkustu skákmönnum
landsins. Ákveðið að Hannes Hlífar
og Helgi Ólafsson taki þátt í
Norðurlandamótinu fyrir Íslands
hönd.
5. Skákþing Íslands, landsliðs-
og kvennaflokkur. Nánast frágengið
að mótin verði haldin í Hafnarfirði.
Endanleg ákvörðun liggur fyrir á
allra næstu dögum. Keppt verður í
landsliðsflokki og meistaraflokki kvenna. 7 af
11 sem áttu rétt hafa svarað jákvætt.
Búið að auglýsa umsóknarfrest
til 5. ágúst fyrir áhugasama
þátttakendur. Ákveðið
að Ríkharður taki að sér
skákstjórn.
6. Styrkbeiðni. Jón Garðar Viðarsson
sækir um styrk að fjárhæð
kr. 30.000 á skákmót í
Hollandi. Samþykkt.
7. Önnur mál.
Arnar Gunnarsson náði 3ja og síðasta
áfanga að alþjóðlegum
titli og Bragi Þorfinnsson náði 2400
stigum og verður því útnefndur
alþjóðlegur meistari á næsta
FIDE þingi.
Helgi Ólafsson ræddi um Reykjavíkurskákmótið
2004 og minnti á að mótið á
40 ára afmæli. Ákveðið
að skrifa TR bréf og kanna áhuga
þeira á að taka þátt
í móthaldinu. Rætt lauslega um
mótshaldið, tímasetningu o.fl.
Stefnumótunarfundur stjórnar S.Í.
Stefnt að 19.- 21. sept. í Húsafelli.
Evrópumót landsliða. Tilkynna
þarf þátttöku f. 10. ágúst.
Ákveðið að skrá kvenna og
karlalið.
NM framhaldsskólasveita verður haldið
í Reykjavík 29. - 31. ágúst.
Teflt verður í Faxafeninu.
Forseti, Helgi Ól. og Sigurður Pétursson
í Ísspor eru að vinna að uppstillingu
á skákherbergi í Þjóðmenningarhúsinu.
Stefnt að opnun innan tíðar þar
sem fólk getur skoðað einvígisborðið
og muni tengda einvíginu ´72. Ofangreindir
aðilar vinna áfram í málinu.
Fundargerð lesin upp og samþykkt.
Fundi slitið 19.25.
Ríkharður Sveinsson
|
