1. Skáksamband Íslands skal ár hvert halda Íslandsmót í atskák.

2. Tefld skal atskák, 25 eða 30 mínútna (á mann).

3. Stjórn S.Í. skal láta reikna atskákstig tvisvar á ári í byrjun júli og í byrjun janúar. Skulu stigin kynnt jafnharðan.

UNDANRÁSIR

4. Undanrásir fara fram árlega í ágúst eða september. Fyrir keppni í undanrásum skulu liggja fyrir nýjustu atskákstig. Þeir keppendur sem hafa unnið sér til að tefla í úrslitum þegar undanrásirnar fara fram hafa ekki rétt til að tefla í undanrásum.

5. Undanrásir skulu fara fram á StórReykjavíkursvæðinu, á Norðurlandi og á Vestfjörðum.

5a. Ef skákforysta á þessum stöðum skorast undan að halda slíkt mót skal það tilkynnt stjórn S.Í. sem ráðstafar þá sæti til keppni í úrslitum.

6. Stjórn S.Í. ákveður keppninsfyrirkomulag í samráði við mótshaldara á hverjum stað.

ÚRSLITAKEPPNIN

7. Keppendur í úrslitunum verða 16 talsins og tefla þeir eftir einvígis-útsláttar fyrirkomulagi.

8. Í hverri umferð eru tefldar tvær skákir (25 mín. eða 30 mín. á mann). Sá sem hlýtur fleiri vinninga kemst áfram.

9. Sé staðan jöfn 1:1 skal háður bráðabani (10 mínútna eða 7 mínútna skák) og er dregið um liti. Ef jafntefli verður, skal teflt aftur. Í þriðju skák bráðabanahlutans er aftur dregið um liti og svo koll af kolli. Skákdómara er heimilt að stytta umhugsunartíma í bráðabana ef þörf er á, þó aldrei meira en svo að hvor skákmaður hafi fimm mínútur til umráða.

10. Þátttakendur í úrslitakeppninni fá rásnúmer eftir gildandi íslensku atskákstigum frá 1-16. Úrslitakeppnin skal fara fram með þeim hætti að í 1. umferð teflir nr. 1 við nr. 16, nr. 2 við nr. 15, nr. 3 við nr. 14 o.s.frv. Í annarri umferð teflir nr. 1 við nr. 8, nr. 2 við nr. 7 o.s.frv. Sigri sá sem hefur lægra rásnúmer fær hann rásnúmer þess sem hann lagði að velli. Dæmi: Í fyrstu umferð leggur nr. 16 nr. 1 að velli fær þá rásnúmer 1.

11. Þátttökurétt hafa:

A: Atskákmeistari Íslands

A1: Varamaður: Annar maður á síðasta Íslandsmóti í Atskák. Forfallist hann eða komist inn úr undanrásum eða á stigum skal stjórn S.Í. velja mann til keppni í úrslitum.

B: Sex stigahæstu skákmenn landsins samkvæmt þeim atskákstigum sem eru í gildi við upphaf undanrásana.

B1: Hvað varðar val á varamönnum skal farið eftir gildandi atskákstigum.

C: Sex skákmenn sem unnið hafa sér rétt til þátttöku í sérstöku úrtökumóti á StórReykjavíkursvæðinu. Monrad-stig verða látin gilda verði menn jafnir að vinningum.

C1: Varamenn eru þeir sem koma í sex næstu sætum í úrtökumóti StórReykjavíkursvæðinsins. 1. varamaður telst sá sem var í 7. sæti, 2. varamaður sá sem í 8. sæti o.s.frv.

D: Sigurvegari á úrtökumóti Norðurlands.

D1: Varamaður er sá sem varð annar á úrtökumótinu. Forfallist hann einning skal stjórn S.Í. velja mann til keppnin í úrslitum.

E: Sigurvegari á úrtökumóti Vestfirðinga.

E1: Varamaður: Annar maður á úrtökumóti Vestfirðinga. Forfallist hann einnig skal stjórn S.Í. velja mann til keppni í úrslitum.

F: Einn maður valinn sérstaklega af stjórn S.Í.

12. Stefnt skal að því að úrslitakeppnin fari fram í janúar eða febrúar og verði leitast við að sjónvarpa beint úrslitaeinvígi keppninnar.

13. Forfallist keppandi eftir að keppnin hefur hafist skal taka taka sæti hans, sá sem (síðast) féll úr keppni af völdum þess sem forfallst hefur. (Dæmi: A sigrar B í 1. umferð og C í 2. umferð. Við upphaf 3. umferðar hnígur A í ómegin. Tekur C þá sæti hans.

14. Keppendur í úrslitakeppninni verða að tilkynna þátttöku sína með góðum fyrirvara, minnst þremur vikum fyrir keppni.

15. Viku fyrir úrstlitakeppnina skal liggja fyrir niðurröðun í 1. umferð.

16. Forfallist keppandi á síðustu stundu skal þátttakaendum raðað upp á nýtt samkvæmt atskákstigum, varamaður þess sem fellur úr fær rásnúmer samkvæmt atskákstigum sínum.

17. Sigurvegari í úrslitakeppninni hlýtur sæmdarheitið Atskákmeistari Íslands.

ÚRSKURÐARVALD

18. Úrskurðarvald skal vera í höndum skákstjóra Atskáksmóts Íslands á hvaða stigi sem keppnin er. Skákstjóri getur leitað samráðs hjá forseta S.Í. í deilu- og vafamállum. Ef aðstæður leyfa geta þeir tekið sér sólarhrings frest til að kveða upp úrskurð í einstökum málum.

19. Reglur um Atskákmót Íslands skulu kynntar aðildarfélögum S.Í., Félagi Stórmeistara og vera aðgengilegar þeim sem hyggja á þátttöku á Atskákmóti Íslands.