1. gr.

Skáksamband Íslands gengst árlega fyrir Íslandsmóti í skák milli grunnskólasveita. Skal mótið haldið á tímabilinu apríl-júní.

2. gr.

Þátttökurétt í Íslandsmótinu eiga 26 til 30 efstu sveitir úr kjördæmis-eða umdæmismótum grunnskóla, sem skiptast þannig:

1. Reykjavík: Átta sveitir.

2. Reykjanes: Fimm sveitir, sem valdar skulu þannig:

a) Ein sveit úr grunnskólamóti Kópavogs

b) Ein sveit úr grunnskólamóti Hafnarfjarðar

c) Ein sveit úr grunnskólamóti Suðurnesja

d) Tvær sveitir af öðrum svæðum í Reykjanes-

umdæmi (þ.e. Garðabæ, Seltjarnarnesi, Bessa-

staðahreppi, Mosfellsbæ og Kjósarhreppi).

3. Vesturland: Tvær sveitir

4. Vestfirðir: Tvær sveitir

5. Norðurland

vestra: Tvær sveitir

6. Norðurland

eystra: Þrjár sveitir, þar af a.m.k. ein frá Akureyri

7. Austurland: Tvær sveitir

8. Suðurland: Tvær sveitir

9. Boðssæti: Fjórar sveitir.

Ef einhver svæði nýta sér ekki þátttökuréttinn, er heimilt að fjölga frá öðrum svæðum í stað þeirra sem forfallast. Stjórn Skáksambands Íslands er og heimilt að bjóða sveitum þátttöku skv. 9. lið 2. gr. fjórum eða færri. Skulu þær sveitir jafnan ganga fyrir, er koma frá svæðum, þar sem ekki reyndist unnt að halda kjördæmis- eða umdæmismót af gildum ástæðum að mati stjórnar Skáksambands Íslands.

3. gr.

Í hverri sveit skulu vera fjórir aðalkeppendur auk 1 - 4 til vara, sem eru nemendur 1.- 10. bekkjar grunnskólans. Skulu þeir allir vera úr sama skólanum. Sé brotið gegn þessu ákvæði skulu skákir ólöglegra keppenda dæmdar tapaðar.

Tilkynna skal um borðaröð keppenda fyrir upphaf 1. umferðar og má ekki breyta röðinni eftir það. Forfallist fyrsta borðs maður, skal annars borðs maður flytjast upp á fyrsta borð og þannig koll af kolli. Varamaður kemur inn á fjórða borð.

Borðaröð eða uppstilling hvers skóla í kjördæmis-eða umdæmismótum er ekki bindandi fyrir Íslandsmótið, og er skólum heimilt að endurskipuleggja sveitir sínar þegar að Íslandsmótinu kemur.

4. gr.

Stjórn Skáksambands Íslands skal beita sér fyrir því, að haldin séu kjördæmis-og umdæmismót, sbr. 2. gr., að höfðu samráði við taflfélögin á viðkomandi svæði.

5. gr.

Keppnisfyrirkomulag á Íslandsmótinu skal vera þannig, að tefldar skulu 7-9 umferðir eftir Monrad-kerfi, ef næg þátttaka fæst. Að öðrum kosti er heimilt að láta sveitirnar tefla einfalda umferð, allar við allar, eða að skipta í undanrásariðla og síðan yrði teflt til úrslita. Önnur atriði, s.s. umhugsunartími o.fl. skulu ákveðin af stjórn Skáksambands Íslands hverju sinni.

6. gr.

Stefnt skal að því að Íslandsmót grunnskólanna fari fram á einni helgi til að auðvelda þátttöku sveita víðs vegar að af landinu.

7. gr.

Verði tvær eða fleiri sveitir jafnar og efstar að vinningum í Íslandsmótinu, skal fara fram sérstök aukakeppni milli þeirra um 1. sætið. Fyrirkomulag þeirrar aukakeppni skal ákveðið af stjórn Skáksambands Íslands hverju sinni.

8. gr.

Sigursveitin í Íslandsmótinu hlýtur rétt til að taka þátt í Norðurlandamóti grunnskólasveita í skák, sem fram fer á haustin. Stjórn S.Í. skal leitast við að styrkja fjárhagslega þátttöku í Norðurlandamótinu, eftir efnum og ástæðum hverju sinni. Skal stjórn S.Í. leita eftir stuðningi taflfélaga á viðkomandi svæði í þessu skyni og einnig til sveitarfélaga. Heimilt er stjórn S.Í. að fela taflfélögum á svæði sigursveitarinnar að annast undirbúning að þátttöku í Norðurlandamótinu.

9. gr.

Allan ferðakostnað í sambandi við þátttöku í Íslandsmótinu skulu skólasveitirnar greiða sjálfar. Einnig fæðis-og gistikostnað á meðan á Íslandsmótinu stendur.