Markmið styrkveitinga skal vera að fjölga titilhöfum og styðja við bakið á ungum skákmönnum.

1. Skákmenn sem hafa 2300 stig og þeir sem ekki hafa náð 25 ára aldri geta fengið styrk frá S.Í. í samræmi við reglur þessar.

2. Til þess að fá styrk þarf viðkomandi að sýna mikla og góða ástundun (25 skákir reiknaðar til íslenskra og/eða alþjóðlegra stiga á ári) og vera í fremstu röð í sínum aldursflokki (þrír efstu í hverjum aldursflokki, karla og kvenna enda hafi þeir náð stigalágmörkum Æskulýðsnefndar).

3. Alþjóðlegir meistarar geta fengið styrk óháð aldri og stigum. Alþjóðlegir meistarar skulu þó lúta sömu reglum og aðrir um fjölda tefldra skáka á ári.

4. Einnig geta þeir sem komnir eru með einn gildan áfanga eða fleiri að alþjóðlegum meistaratitli fengið styrk, óháð aldri og stigum, enda hafi þeir sýnt að þeir eigi raunhæfa möguleika á að ná alþjóðlegum meistaratitli og uppfylli reglur um fjölda tefldra skáka á ári.

5. Að jafnaði getur skákmaður ekki fengið meira en kr. 60.000.- á ári í styrk frá S.Í.

6. Umsóknum skal fylgja æfinga-og keppnisáætlun skákmanns auk kostnaðaráætlunar v. viðkomandi móts. Skákmenn sem þiggja styrki frá S.Í. skuldbinda sig til að tefla fyrir Íslands hönd sé eftir því leitað af S.Í., nema lögmæt forföll hamli.